वनामकृवित जागतिक मृदा दिन साजरा

वसंतराव नाईक मराठवाडा कृषि विद्यापीठातील भारतीय मृद विज्ञान संस्था शाखा परभणी व महाराष्ट्र शासनाचा कृषि विभाग यांच्या वतीने दिनांक 5 डिसेंबर रोजी जागतिक मृदा दिन साजरा करण्यात आला. कार्यक्रमाच्या अध्यक्षस्थानी कुलगुरु मा. डॉ. अशोक ढवण हे होते तर प्रमुख पाहुणे म्हणुन आमदार तथा विद्यापीठ कार्यकारी परिषद सदस्य मा. डॉ. राहुल पाटील हे उपस्थित होते. व्‍यासपीठावर शिक्षण संचालक डॉ. विलास पाटील, प्राचार्य डॉ डि एन गोखले, प्राचार्य डॉ यू एन खोडके, जिल्‍हा अधिक्षक कृषि अधिकारी श्री बी आर शिंदे, विभाग प्रमुख डॉ. सय्यद इस्माईल, श्री एस. एच. पवार, श्री सागर खटकाळे आदीची प्रमुख उपस्थिती होती.

मार्गदर्शनात कुलगुरू मा. डॉ. अशोक ढवण म्‍हणाले की, दिवसेंदिवस शेतीसाठी उपयुक्‍त सुपीक माती प्रदुषीत होत आहे. इमारत बांधकामासाठी वापरण्‍यात येणा-या विटांकरिता सुपीक माती वापर वाढत असुन शहरीकरणामुळे वाढलेले कचऱ्याचे प्रमाण यामुळे सुपीक मातीचा ­हास होत आहे, हे थांबविण्‍याची प्रत्येक नागरिकांची जबाबदारी आहे. शेतक-यांनी जमिनीतील अन्नद्रव्यांचा उपसा व पुरवठा या मधील तुट कमी करण्याचा प्रयत्न करावा, असा सल्‍ला त्‍यांनी दिला.

आमदार मा डॉ. राहुल पाटील यांनी शाश्‍वत शेतीकरिता जमिनीचे आरोग्य जपण्याची गरज असुन शेतीत विविध कृषी निवीष्ठांचा काटेकोर वापर आवश्‍यक असल्‍याचे सां‍गितले. कृषि विद्यापीठातील प्रयोगशाळा या आंतरराष्ट्रीय दर्जाच्या झाल्‍या पाहिजे तसेच विद्यापीठात दुष्‍काळ परिस्थितीत शेतक­यांसाठी उपयुक्‍त संशोधन व्‍हावे अशी अपेक्षा व्‍यक्‍त केली.

शिक्षण संचालक डॉ. विलास पाटील आपल्‍या भाषणात म्‍हणाले की, माणसाचे आरोग्य मातीशी जुडलेले असुन जमिनीचे आरोग्य बिघडलेले आहे व त्यामुळे माणसाच्‍या आरोग्‍य विषयक प्रश्न निर्माण होत आहेत. संतुलीत पीक पोषण मनुष्याच्या समतोल आहारासाठी गरजेचे आहे. भावी पिढीच्या चांगल्या आरोग्‍यासाठी माती परिक्षणाच्या अहवालानुसार रासायनिक खतांचा समतोल वापर करावा, असे मत त्‍यांनी दिला. 

जिल्हा अधिक्षक कृषि अधिकारी श्री बी. आर. शिंदे यांनी उत्पादन वाढीसाठी माती परिक्षण गरजेचे असल्याचे सांगितले तर श्री एस.एच. पवार यांनी जमीन आरोग्य पत्रीका वितरण अभियाणाबाबत माहिती दिली.

कार्यक्रमात कृषि विभाग व मृद विज्ञान संस्थेच्या वतीने 25 शेतक­यांना त्यांच्या शेतातील मातीचे परिक्षण करुन आरोग्य पत्रिकेचे वाटप मान्यवरांच्या हस्ते करण्यात आले. तसेच मान्यवरांच्या हस्ते विविध घडीपत्रीकांचे विमोचन करण्यात आले.

प्रास्ताविकात विभाग प्रमुख डॉ. सय्यद इस्माईल यांनी कोरडवाहु शेतीत पिक उत्पादनात शाश्‍वतता आणण्‍यासाठी सेंद्रीय खते व हिरवळीच्या खंताच्या वापर करण्‍याची गरज असल्‍याचे सांगितले. सुत्रसंचालन डॉ. स्वाती झाडे यांनी केले तर आभार डॉ सुरेश वाईकर यांनी मानले. कार्यक्रम यशस्वीतेसाठी डॉ. अनिल धमक, डॉ. पपीता गौरखेडे, डॉ. रामप्रासद खंदारे, प्रा. अनिल मोरे, डॉ.श्री अडकीणे, श्रीमती महावलकर, श्री अजय चरकपल्ली आदींनी सहकार्य केले. कार्यक्रमास शेतकरी, विद्यापीठातील व कृषि विभागातील अधिकारी कर्मचारी, विद्यार्थी मोठया संख्यने उपस्थित होते.

“Mridagandha Puraskar-2017”

Parbhani Chapter of Indian Society of Soil Science (PCISSS)

Department of Soil Science and Agricultural Chemistry

VN Marathwada Krishi Vidyapeeth Parbhani-431 402, Maharashtra

Telephone (O) 02452-234016 , Cell: 7588082045

Email: soils_pbn@rediffmail.com

Dr. Syed Ismail

President, PCISSS & Head, SSAC

ANNOUNCEMENT

No. GPC/PCISSS/819 /18

Date : 24.09.2018

“Mridagandha Puraskar-2017”

The  Parbhani  Chapter  of  Indian  Society  of  Soil  Science  (PCISSS)  is pleased   to   invite   the   applications   from   the   faculties   for   their   outstanding contributions  in  the  discipline  of  Soil  Science  and  Agricultural  Chemistry. Parbhani   chapter   recognizes   an   individual   whose   outstanding   contribution have  created  a  major  impact  by  the  spirit  of  innovation,  dedication,  excellence in  records  and  information  as  an  icon  in  the  development  of  the  Soil  Science and Agricultural Chemistry discipline in Maharashtra State.

Form  of  award/puraskar  :

A  memento,  a  citation  and  a  certificate  will  be  given  to  an  awardee  in  an special   function   organized   by   Parbhani   Chapter   of   Indian   Society   of   Soil Science  or  in  state  level  soil  science  seminar  or  any  function  whichever  may  be suitable for PCISSS.

Who  can  submit  the  application?

Applications  are  invited  in  a  single  hard  copy  from  the  suitable  persons  in the  name  of  President,  Parbhani  Chapter  of  Indian  Society  of  Soil  Science  , Department    of    Soil    Science    and    Agricultural    Chemistry,    Vasantrao    Naik Marathwada  Krishi  Vidyapeeth,  Parbhani-  431402  alongwith  biodata  and  brief note of contribution in the field of SSAC

      The    applicant    should    have    a    minimum    of    ten    years’    professional experience  in  the  cadre  of  Assistant  Professor  or  above  in  Soil  Science and Agricultural Chemistry discipline.

    Full proof application should reach to PCISSS on or before 10.10.2018.

     Late submitted /  received applications will not   considered for the award.

      Those who has already submitted their biodata in previous year they should just submit one page application alongwith updates if any.

(Syed Ismail)

भावी हरित क्रांतीत सुक्ष्‍म जीवाणुची महत्‍वाची भुमिका ....डॉ विलास पाटील

वनामकृवित आयोजित कै. डॉ. बी. व्ही. मेहता स्मृती व्याख्यानात प्रतिपादन

जमिनीची सुपिकता, आरोग्‍य व उत्‍पादकतेत मातीतील जैव विविधता व सुक्ष्‍म जीवाणु यांची मोठे महत्‍व असुन भावी हरित क्रांतीत यांची मोठी भुमिका राहणार असल्‍याचे प्रतिपादन व्‍याख्‍याते शिक्षण संचालक तथा मृदा शास्‍त्रज्ञ डॉ विलास पाटील यांनी केले. भारतीय मृदविज्ञान संस्था, नवी दिल्ली व शाखा परभणी तसेच वसंतराव नाईक मराठवाडा कृषि विद्यापीठातील मृदविज्ञान व कृषि रसायनशास्त्र विभाग यांच्या संयुक्त विद्यमाने दिनांक 12 सप्‍टेबर रोजी आयोजित कै. डॉ. बी. व्ही. मेहता स्मृती व्याख्यानाप्रसंगी ते बोलत होते. कार्यक्रमाच्या अध्यक्षस्थानी कुलगुरु मा. डॉ अशोक ढवण हे होते तर संशोधन संचालक डॉ दत्‍तप्रसाद वासकर, भारतीय मृदविज्ञान संस्था शाखा परभणी अध्यक्ष डॉ. सय्यद इस्माईल व सचिव डॉ. महेश देशमुख आदींची प्रमुख उपस्थित होती.

डॉ विलास पाटील पुढे म्‍हणाले की, सुक्ष्म जिवाणुंच्या परस्परक्रिया व मृदसंकरणाचा अन्नद्रंव्यांचा गतिशीलतेवर परिणाम होऊन जमिनीच्‍या आरोग्‍याची जपवणुक होते, हे संशोधनाच्‍या आधारित सिध्‍द झाले आहे. भारतीय संस्‍कृतीत वट, पिंपळ व उंबर या वृक्षास मोठे महत्‍व आहे, या वृक्षाखालील माती ही अधिक जैवसमृध्‍द असुन या मृदाचे संकरण कृषी उत्‍पादन वाढीसाठी उपयुक्‍त ठरणार आहे. यावेळी डॉ पाटील यांनी शेतक-यांच्‍या शेतावर घेतलेल्‍या प्रयोगातील निर्ष्‍कशाचे सादरिकरण केले. 

अध्‍यक्षीय समारोपात कुलगुरू मा. डॉ अशोक ढवण म्‍हणाले की, कृषी क्षेत्रात कार्य करणा-या शास्त्रज्ञ, विद्यार्थ्‍यी, शेतकरी व विस्‍तार कार्यकर्ता या सर्वांनी कृषि विकासासाठी ए‍कत्रित कार्य करण्‍याची गरज आहे. देशातील विख्‍यात मृद शास्‍त्रज्ञांच्‍या संशोधनातील योगदानाबाबत माहिती देऊन बौध्‍दीक संपदा वाढीसाठी अशा व्‍याख्‍यानाचे वेळोवेळी आयोजन करण्‍याची गरज असल्‍याचे सांगितले.    

कार्यक्रमाच्‍या प्रास्‍ताविकात डॉ. सय्यद इस्माईल यांनी मृदा शास्‍त्रज्ञ कै. डॉ. बी. व्ही. मेहता यांच्‍या कार्याची माहिती दिली. सुत्रसंचालन डॉ पपिता गौरखेडे यांनी केले तर आभार डॉ महेश देशमुख यांनी मानले. कार्यक्रमास विद्यापीठातील प्राध्‍यापक, शास्त्रज्ञ व पदव्युत्तर विद्यार्थी मोठया संख्‍येने उपस्थित होते. 

वनामकृवित बावीसव्या डॉ. बी. व्ही. मेहता स्मृती व्याख्यानाचे आयोजन

भारतीय मृदविज्ञान संस्था, नवी दिल्ली व शाखा परभणी तसेच वसंतराव नाईक मराठवाडा कृषि विद्यापीठातील मृदविज्ञान व कृषि रसायनशास्त्र विभाग यांच्या संयुक्त विद्यमाने कै. डॉ. बी. व्ही. मेहता स्मृती व्याख्यानाचे आयोजन दिनांक 12 सप्‍टेबर रोजी सकाळी 11.00 वाजता परभणी कृषि महाविद्यालयाच्‍या सहभागृहात करण्यात आले आहे. प्रतिष्ठीत समजल्या जाणाऱ्या स्मृती व्याख्यानाचा मान यंदा भारतीय मृदविज्ञान संस्था शाखा परभणीला मिळाला आहे. डॉ. बी. व्ही. मेहता हे ख्यातनाम मृदशास्त्रज्ञ होते, त्यांनी सुक्ष्म अन्नद्रव्यांचे पिकांतील महत्व व त्याचा उत्पादनावर होणारा परिणाम या विषयीवरील संशोधनात मोठे योगदान दिले आहे. त्यांच्या स्मृतीस स्मरुन दरवर्षी या व्याख्यानाचे आयोजन भारतातील विविध मृदविज्ञान संस्थेच्‍या वतीने करण्‍यात येते. मृदविज्ञान संशोधनातील योगदान लक्षात घेऊन या वर्षीचा या स्मृती व्याख्‍यानमालेचे व्याख्याते म्हणून संचालक शिक्षण तथा अधिष्ठाता (कृषि) डॉ. विलास पाटील यांना मान देण्यात आला आहे. कार्यक्रमाच्या अध्यक्षस्थानी कुलगुरु मा. डॉ अशोक ढवण हे राहणार असुन प्रमुख पाहुणे म्हणून अकोला येथील डॉ पंजाबराव देशमुख कृषि विद्यापीठाचे कुलगुरु मा. डॉ. विलास भाले हे उपस्थित राहणार आहे. सदरील व्याख्यान हे सुक्ष्म जिवाणुंच्या परस्परक्रिया व मृदसंकरणाचा अन्नद्रंव्यांचा गतिशीलतेवरील परिणाम या मृदविषयातील आधुनिक संकल्पनावर आधारीत असुन कृषिशास्त्रज्ञ, संशोधक व पदव्युत्तर विद्यार्थी यांना व्याख्यानाचा संशोधनाच्‍या दृष्‍टीने फायदा होणार आहे. व्याख्यानास उपस्थित राहण्‍याचे आवाहण भारतीय मृदविज्ञान संस्था शाखा परभणी अध्यक्ष  डॉ. सय्यद इस्माईल व सचिव डॉ. महेश देशमुख यांनी केले आहे.

शेतीत द्रावणीय जीवाणु खते व जैविक घटकांचा वापर वाढविणे गरजेचे....शिक्षण संचालक डॉ विलास पाटील वनामकृवित सुशिक्षीत बेरोजगार युवकांसाठी तीन दिवसीय प्रशिक्षण संपन्‍न

वसंतराव नाईक मराठवाडा कृषि विद्यापीठातील मृद विज्ञान व कृषि रसायनशास्‍त्र विभाग आणि वनस्‍पती विकृ‍तीशास्त्र यांचे संयुक्‍त विद्यमाने दिनांक 23 जाने ते 25 जाने दरम्‍यान द्रावणीय जीवाणु खते व जैविक घटक उत्‍पादन तंत्रज्ञान यावर सुशिक्षीत बेरोजगार युवकांसाठी प्रशिक्षणाचे आयोजन करण्‍यात आले होते. शिबीराचे उद्घाटन शिक्षण संचालक डॉ विलास पाटील यांच्‍या हस्‍ते झाले. याप्रसंगी प्राचार्य डॉ डि एन गोखले, विभाग प्रमुख डॉ सय्यद ईस्‍माईल, डॉ डि एन धुतराज, डॉ के टी आपेट, प्रशिक्षण समन्‍वयक डॉ ए एल धमक आदींची प्रमुख उपस्थिती होती. याप्रसंगी मार्गदर्शन करतांना शिक्षण संचालक डॉ विलास पाटील महणाले की, शाश्‍वत शेती उत्‍पादनासाठी द्रावणीय जीवाणु खते व जैविक घटकांचा वापर वाढविणे गरजेचे आहे. सुशिक्षीत बेरोजगार युवकांना द्रावणीय जीवाणु खते व जैविक घटकांची निर्मिती उद्योग करण्‍यास वाव आहे. सदरिल प्रशिक्षण हे सुशिक्षीत बेरोजगारांना स्‍वयंरोजगार उपलब्‍ध करून देणारे साधन ठरेल असे मत त्‍यांनी व्‍यक्‍त केले. प्राचार्य डॉ गोखले यांनी ही मार्गदर्शन केले. प्रशिक्षणात 25 सुशिक्षीत बेरोजगार युवकांनी सहभाग घेतला होता. समारोपीय कार्यक्रमात विस्‍तार शिक्षण संचालक डॉ प्रदिप इंगोले यांच्‍या हस्‍ते प्रशिक्षणार्थींना प्रमाणपत्राचे वाटप करण्‍यात आले. प्रशिक्षार्थी गोविंदराज भाग्नगरे व अनिल आडे यांनी मनोगत व्‍यक्‍त केले. कार्यक्रमाचे सुत्रसंचालन डॉ पपिता गौरखेडे यांनी केले तर आभार डॉ स्‍वाती झाडे यांनी मानले. कार्यक्रम यशस्‍वीतेसाठी डॉ सुरेश वाईकर, डॉ अडकिणे, प्रा अनिल मोरे, श्रीमती महावलकर, श्रीमती सवंडकर आदींनी परिश्रम घेतले.

वनामकृवितील मृद विज्ञान व‍ कृषि रसायनशास्‍त्र विभागात मध्‍यवर्ती उपकरण केंद्राच्‍या विस्‍तारीत कक्षाचे उदघाटन

वसंतराव नाईक मराठवाडा कृषि विद्यापीठातील मृद विज्ञान व कृषि रसायनशास्‍त्र विभागात मध्‍यवर्ती उपकरण केंद्राचे विस्‍तारीकरण करण्‍यात आले असुन दिनांक 20 जानेवारी रोजी सदरिल विस्‍तारीत कक्षाचे उदघाटन नवी दिल्‍ली येथील भारतीय कृषि संशोधन परिषदेचे सहाय्यक महासंचालक डॉ एस के चौधरी यांच्‍या हस्‍ते करण्‍यात आले. याप्रसंगी विद्यापीठाचे कुलगुरू मा. डॉ. बी. व्‍यंकटेश्‍वरलु, शिक्षण संचालक डॉ विलास पाटील, विभाग प्रमुख डॉ सय्यद ईस्‍माइल आदींची प्रमुख उपस्थिती होती. विद्यापीठातील आचार्य पदवी व पदव्‍युत्‍तर विद्यार्थ्‍यांना संशोधन कार्यासाठी सदरिल उपकरण केंद्राचा मोठा उपयोग होणार आहे. मृद विज्ञान व कृषि रसायनशास्‍त्र विभागातर्फे माती, पाणी, ऊती विषयक विविध घटकाचे रासायनिक पृथ: क्करण करण्‍याची नियमित गरज भासते, त्‍या दृष्‍टीकोनातुन सदरिल कक्षाचा उपयोग होणार आहे. तसेच शेतक-यांचे माती व पाणी नमुने तपास‍णीसाठीही याचा उपयोग होणार आहे.